Blogger templates

حديث القلم ,,

الصديق الدافئ هدية السماء إليك ..
الطعــم .. !!
الاثنين، 28 سبتمبر، 2009 by seldom pen in التسميات:

البارحه رحت أنا وصديقة .. لزيارة صديقتنا العائدة من المدينه المنوره ..
:) وإن كانت زيارتنا متأخرة , بس المهـم رحنـا ..
بصراحة أستمتعت جداً .. مو كل مره نستمتع بالطلعة , وإن كاانت وحده تعرف نفسها نست ماجابت شيء
موصيتها تجيــبة .. ونست ما جابته ..
مما أضطرني أني أرجـع البيت مره ثانيه وأجيب شيء بديل عنه ..
بس خلتني أقطع مشوارين :P
= = مــع أني صديقتي اللي رايحين لهـا جيرانا .. يعني الجدار بالجدار ..
بس المهم روحتي للبيت مره ثانيه ورجعتي لها تسمى مشوار ..
وإلا أنا غلطانــة :)
يــلا ماعليه .. تستاهل أرجع لها .. = = لاتصدقين حالك يا ميوو
المــهم .. قبل لا نطـلع .. طويلة العمر صديقتي عطتني وعطت ميوو كيسة ..
قلت لها يعنــي هذي صوغتــي ..
= = تعلمت أقولها لأني أسمع أخوانه الكوويتين يقولون للي يسافر جيب لنا معاك صوغه , فعجبتني :)
.. رجعت البيت وفتحتها ..
بصرآحــة أستانست , شكلها عجبني ..
:)
معمول بالشوكولا .. ما مره جربته .. بس قرأت معمول , قلت :
لا يكون تمــر :P
بصراحــة ما أحب التمر .. = = هذا وأحنا ديار الرطب والتمر ..
بس لا طـلع شوكولا بس ..
عجبني طعمة .. بصراحة عجيــب .. يمكن أخذ خاصية اللذَه , لكونه من صديقتي ..
فكان له طعم ثــاني أحلى .. لأنه منها :)
أسمتعت بالطعم .. وقلت خل أستمتع بتصوير أيضاً ..

" صــرآحة .. هالصوورة عجيبة .. صايره كنها ثلاثية أبعاد :) موو ؟! "

اللي ضحكــني .. إني التقطت 53 لقطة .. لعلبة الشوكولا ..
وما عجبوني من الـ 53 الا .. 5 تقريبــاً .. !!!
الله يعيــن المصورين بصراحة .. وإن كنت في الآونه الأخيرة أميل للتصوير بشكل كبير ..
أكثر مما كنت عليه ..
لي ثلاث سنوات وأنا أصور بكاميرا أهدتني أياها معلمة عزيزة على قلبي في يوم تخرجي ..
وما أنسى الكلمة اللي أكتبتها لي .. مع الكاميرا ..
( أنتِ أفضل من يقدَس الذكرى , فتستحقين أن تحتفظي بها صوتاً وصورة )
ولذاك كان أثر في قلبي .. لذلك لا زلت ألتقطت الذكريات بتلك الكاميرا العزيزة على قلبي ..
:)
.. تفضــلوا ..



.. صديقتي soso .. شووكـراً لكِ يالغاليــة ..
حقـاً أستمتعت " بالطعم العجيــب " لأنه منكِ ..
:)
ملاحظـة : ( كلمتني صديقتي بعدما كتبت هذا البوست ..
اللي عطتني المعمول وقالت لي أن اللي عطتني أياه فيه تمر !!!
ههههههههههههه
صراحـة تفشلت , يعني أسمه معمول , أكيد فيه تمر !!
يلا أعيش وآكل غيرها , عادي يعني أهم شيء الطعم يمي يمي ,,
يكفي أنو من صديقتي .. ومن طيبة الطيبة :) ,, )

  1. بالعافيه عليج المعمول
    فيه شغلات ثانيه بعد .. تعودت احط انواع منهم حق الدوام .. خوش صوغه :>

    يا حلو كلمة ابلتج اللي كتبتها مع الهديه .. اتصدقين اعجبتني :)

    وبعدين انتي عياره .. الطوفه بالطوفه يالظالمه وتسمينه مشوار هاااا وذابحه البنت وتعاتبينها انها نست :P

    والله لا يغير عليج وعلى صديقاتج ويديم بينكم هالمحبه قولي آمين :)

  1. مشكلتي
    الشوكولا
    والمشكلة الثانية
    اني صايمة
    مممممممم
    هههههه

    شكلها لذييييذ

  1. Fishah ..

    ههههه أي بس السالفه فيها طلعة من البيت وصعود للدرج :P

    شكلي بسوي مثلك بحط لي من هالأنواع حق الدوام ..


    تسلمين عزيزتي ,ياارب مايتغير الحال والصداقة ..

    أسعدني مرورك حقاً ..

    :)

  1. '' حطام (ك) بقايا ''


    :)

    يلا ماعليه فطري

    وبعدها أكلي الشوكولا ..



    سرتني زيارتك ..

  1. و ويـــعوا ^_^
    تعايريني يعني لأني خليتش تروحي تجيبيه وتجي
    كلها 6 امتار من باب المجلس لباب اشارع ومترين لباب بيتكم و4 امتار لباب غرفة الطعام ويمكن 6 او 7 او 10 امتار لغرفتك
    وهذا كله ×2 للعودة ^_^
    يعني ماتعبتش

    >>> الموهم
    أنبسط كثير لما اقراء وقفاتك الحيــاتية
    ورسم الأحداث بقلمك وعدستك .. فأنت مشروع مصورة يا أخت المصورين^_^

    وكما قلتِ بالفعل الشوكولاتا له طعم يمي يمي
    غيرررررر لانه من سوسو

    علينا بالعافيه ^_^

  1. لذيذة جدا ..



    :)


    يا بختي كان لي نصيب .. بدون تعب .

  1. هدايا الصديقات لها طعن ثااااني

    الله يديم المحبه بينكم